Azərbaycan Respublikası Nazirlər Kabineti yanında Operativ Qərargahın növbəti mətbuat konfransı keçirilir.

Musavat.com xəbər verir ki, mətbuat konfransında çıxış edən Nazirlər Kabinetinin mətbuat katibi İbrahim Məmmədov ölkədə tibbi maska istehsalı ilə bağlı görülən işlərin son mərhələdə olduğunu deyib.

İ.Məmmədov qeyd edib ki, artıq tibbi maska və digər qoruyucu vasitələrin hazırlanması üçün ölkəyə xammal gətirilib.

Konfransda tibbi maskasız evdən çıxan vətəndaşların cərimələnməsi ilə bağlı da məsələyə aydınlıq gətirilib.

Daxili İşlər Nazirliyi Baş İctimai Təhlükəsizlik İdarəsinin rəis müavini Əziz Baqişev karantin rejimində vətəndaşların hansı hallarda evdən çıxa biləcəyinə aydınlıq gətirib.

Əziz Baqişev deyib ki, maska taxılması karantin rejiminin tələbidir.