“Liverpul”-un seneqallı oyunçusu Sadiyo Mane, liqada keçirilən “Lester Siti” matçından sonra məscid işçilərinə məscidin ayaqyolusunu təmizləməyə yardım edib.
Premiyer Liqanın dördüncü həftəsində “Lester Siti”-lə qarşılaşan “Liverpul” Manenin bir qol vurduğu qarşılaşmadan 2-1 hesabla qalib ayrılıb. Mane oyundan sonra bir məscidə gedərək ibadətlə məşğul olub.
Minval.info xəbər verir ki, məscidin təmizlənməsinə yardım edən seneqallı uluzun görüntüləri sosial şəbəkələrdə paylaşılıb.
Seneqalın cənubunda yerləşən Bambali kəndində dünyaya gələn Mane və ailəsi müsəlmandır. Onun atası yerli məsciddə imam olduğu məlumdur. Müsəlman kimliyiylə tanınan Mane vurğu qollardan sonra səcdə edərək sevinir.
Mane “Liverpul”-dan ildə təxminən 5 milyon avro qazanır.
Vüqar Mirzəbəy
Minval.info
