Məişət zorakılığına məruz qalan 25 uşaq reabilitasiya ilə yeni həyata başlayır

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Sosial Xidmətlər Agentliyi, bu il məişət zorakılığından zərər çəkmiş 41 nəfərə sosial reabilitasiya xidmətləri təqdim edib. Bu şəxslərdən 25-i uşaqlardır.

Minval.info xəbər verir ki, bu uşaqlar, Agentliyin 2021-ci ildən fəaliyyət göstərən Məişət zorakılığından zərər çəkmiş şəxslər üçün yaradılmış sosial reabilitasiya şöbəsində dəstək alıblar. Onların sosial reabilitasiyası və sosial statuslarının bərpası üçün fərdi iş planları əsasında işlər aparılıb.