Əli Kərimlinin qaynı və İlkin Rüstəmzadə əfv edildi

Azərbaycan Xalq Cəbhəsi Partiyasının (AXCP) sədri Əli Kərimlinin qaynı Eynur Seyidov da əfv edilib.

Minval.info xəbər verir ki, E.Seyidovun adı Prezident İlham Əliyevin “Məhkum edilmiş bir sıra şəxslərin əfv olunması haqqında” imzaladığı sərəncamda yer alıb.

Eyni zamanda Nida Vətəndaş Hərəkatının üzvü İlkin Rüstəmzadə də əfv olunanların arasındadır.

Xatırladaq ki, E.Seyidov Cinayət Məcəlləsinin 178 (dələduzluq), 308 (vəzifə səlahiyyətlərindən sui-istifadə), dövlət təltiflərini, möhürləri, ştampları, blankları saxtalaşdırma, hazırlama, satma və saxta sənədlərdən istifadə etmə) və digər maddələrlə ittiham olunub. Bakı Ağır Cinayətlər Məhkəməsinin hökmü ilə E.Seyidov 7 il 6 ay müddətinə azadlıqdan məhrum edilib.