Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Bakı şəhər sakini, əvvəllər məhkum olunan A.Cəbiyev Yasamal rayonu ərazisində saxlanılıb.

Daxili İşlər Nazirliyinin mətbuat xidmətindən Minval.info-ya bildiriblər ki, A.Cəbiyevin üzərində axtarış aparılarkən 11 qram heroin aşkarlanıb. Davam etdirilən tədbirlərlə onun Mərdəkan qəsəbəsi ərazisində gizlətdiyi 3 kiloqramdan artıq heroin də aşkar edilərək götürülüb.

Faktla bağlı araşdırma aparılır.