"Kontakt Home" Tural Abbaslının ittihamlarına cavab verdi: "Cəfəngiyyatdır" - VİDEO

Minval.info xəbər verir ki, bu sözləri bir nüçə gün öncə AĞ Partiyanın lideri Tural Abbaslı demişdi. Məsələ ilə bağlı saytımıza açıqlama verən “Kontakt Home” mağazalar şəbəkəsinin ictimaiyyətlə əlaqələr üzrə meneceri Vəfa Rüstəmova iddiaların əsassız olduğunu bildirib:

“Məlumatda “Kontakt Home” mağazalar şəbəkəsinin fəaliyyəti haqqında tamamilə cəfəng fikirlər yer alıb. Əvvəla bildirmək istərdik ki, xüsusi karantin rejimi ilə əlaqədar dövlət tərəfindən ayrılan kompensasiya məbləği bütün əməkdaşların əmək haqqı kartına tam olaraq köçürülüb. Prosesə birbaşa dövlət tərəfindən elektron qaydada nəzarət edildiyini nəzərə alsaq, bunu yoxlamaq o qədər də çətin deyil. Tural Abbaslının iddialarına görə, şirkət işçilərə verilən bu məbləği sonradan onların maaşından çıxıb.

Əmək haqları cari ayın sonuncu iş günü ödəndiyi üçün may ayı üzrə əmək haqqı təbii olaraq hələ ki, ödənməyib. Belə olan halda, köçürülən məbləğ hansı qaydada geri alına bilər? Əgər kimsənin söylənilənlərlə bağlı əlində əsası varsa, araşdırılması üçün bizə müraciət edə bilər.