Kənd sakini uşaqları çəllək-qatarda məktəbə aparır – Video

Sosial şəbəkələrdə yayılmış maraqlı bir videogörüntü izləyicilərin böyük rəğbətini qazanıb.

Oxu.Az-ın məlumatına görə, kənd sakini çəlləklərdən hazırladığı kiçik vaqonları öz traktoruna qoşaraq, kəndin azyaşlı uşaqlarını məktəbə aparır.

Bəziləri bu görüntülərin Zərdab rayonunda lentə alındığını desələr də, kadrlar əslində Dağıstanın Kayakənd kəndində çəkilib.

Kənd uşaqları bu şən qatardan yayda və qışda məmnuniyyətlə istifadə edir, onlar üçün həm nəqliyyat, həm əyləncə vasitəsi yaradan insana təşəkkür edirlər.