İsrailli merlər Azərbaycana gəlir

İsrail-Azərbaycan Beynəlxalq Assosiasiyası (“Azİz”) payızda bir sıra İsrail şəhərlərinin merləri və mer müavinlərindən ibarət nümayəndə heyətinin Azərbaycana səfərini planlaşdırır.

Bu haqda Oxu.Az-a “Azİz”in baş direktoru Lev Spivak məlumat verib.

“Azİz” ikitərəfli əlaqələrin inkişafı məsələlərinin, eləcə də “qardaşlaşmış şəhərlər” layihəsinin müzakirəsi üçün bir sıra İsrail şəhərlərinin merlərinin Azərbaycana səfərini hazırlayır”, – deyə o qeyd edib.

L.Spivakın sözlərinə əsasən, 15-dən çox üzvü olan İsrail nümayəndə heyətinin səfəri sentyabrın 29-dan oktyabrın 6-dək davam edəcək.

Səfərin proqramı çərçivəsində İsrail merləri Azərbaycanın paytaxtını və müxtəlif rayonlarını ziyarət edəcəklər.

Hazırda Mingəçevir və Asula, eləcə də İsmayıllı və Kiryat-Bilik qardaşlaşmış şəhərlər siyahısındadır.