İspaniya-Mərakeş miqrant gərginliyi: Aİ hesabat tələb edir, madrid isə mövqeyini müdafiə edir

Avropa İttifaqı, İspaniyanın Mərakeşə geri göndərdiyi miqrantlarla bağlı rəsmi hesabat təqdim etməsini tələb edir. Bu tələb, Aİ-yə üzv ölkələrin səfirlərinin Madridin miqrant siyasətinə dair açıqlamalarının təsdiqlənməsini istəməsi ilə gündəmə gəlib.

Minval.info xəbər verir ki, diplomatik mənbələrə əsasən, İspaniya nümayəndələri miqrasiya böhranı ilə bağlı Avropa liderlərinin mövqeyini sərt şəkildə tənqid ediblər. Bəzi Aİ ölkələri isə Madridin siyasətinin qeyri-qanuni miqrant axınının artmasına səbəb olduğunu düşünür.

Bugün, avqustun 4-də, Aİ-yə üzv ölkələrin daxili işlər nazirləri videokonfrans vasitəsilə bir araya gələcək. Görüşdə Seuta şəhərində baş verən son hadisələr və Avropa İttifaqının gələcəkdə belə böhranlardan hansı nəticələr çıxarmalı olduğu müzakirə olunacaq.

ƏLAQƏLİ

Bunu da oxu

ABŞ-da seçkilər Tramp üçün referenduma çevrilir

03.11.2026 - 12:34

Xatırladaq ki, iyul ayının sonunda minlərlə Mərakeş vətəndaşı qeyri-qanuni yolla İspaniyanın Şimali Afrikadakı muxtar şəhəri Seutaya daxil olmuşdu. Bu hadisədən öncə İspaniya Ali Məhkəməsi qanunsuz miqrantların dərhal ölkədən çıxarılmasını qadağan edən və onlara sığınacaq üçün müraciət imkanı verən qərar qəbul etmişdi.

İspaniyanın xarici işlər naziri Xose Manuel Albares isə avqustun 3-də Seutadakı bütün qanunsuz miqrantların ölkədən çıxarılacağını bəyan edib. Əvvəllər Aİ-yə üzv dörd ölkənin Seutadakı miqrasiya böhranı ilə bağlı İspaniyanı tənqid edən birgə məktuba qoşulmadığı bildirilmişdi.