Milli Məclisin növbəti iclasında 10 məsələ müzakirə olunur

Publika.az-ın məlumatına görə, Milli Məclisin payız sessiyası çərçivəsində növbəti iclası keçirilir. Bu günkü iclasın gündəliyinə 10 mühüm məsələ daxil edilib.

İclasda ilk olaraq 8 noyabr – Zəfər Günü ilə bağlı Milli Məclisin Bəyanatı müzakirə olunacaq. Ardınca, Azərbaycan Respublikasının İnsan hüquqları üzrə müvəkkilinin (ombudsmanın) seçilməsi məsələsi gündəmə gətiriləcək.

Özbəkistan Respublikası ilə əlaqələrin inkişafı çərçivəsində “Azərbaycan Respublikası ilə Özbəkistan Respublikası arasında əbədi dostluq haqqında Müqavilə”nin təsdiq olunması və pensiya təminatı sahəsində əməkdaşlıq haqqında sazişin təsdiqi məsələləri müzakirə ediləcək.

ƏLAQƏLİ

Bunu da oxu

ABŞ-da seçkilər Tramp üçün referenduma çevrilir

03.11.2026 - 12:34

İclasda həmçinin “Banklar haqqında” və “Qiymətli kağızlar bazarı haqqında” qanunlarda, eləcə də ətraf mühitin mühafizəsi və təsirin qiymətləndirilməsi ilə bağlı qanunlarda dəyişikliklər üçüncü oxunuşda nəzərdən keçiriləcək.

Bununla yanaşı, “Hərbi xidmətkeçmə haqqında” əsasnamənin təsdiqi və Miqrasiya Məcəlləsində dəyişikliklər birinci oxunuşda müzakirə olunacaq. İclasda “Elektron ticarət haqqında” qanuna da dəyişikliklər təklif edilib.