İsfəndiyarı məhkəməyə verən iş adamına 13 il cəza

“Progress-2016” MTK-nın rəhbəri Emil Səməndərovun məhkəmə prosesi yekunlaşıb. Sumqayıt Ağır Cinayətlər Məhkəməsində keçirilən son iclasda hökm elan olunub.

Minval.info xəbər verir ki, Səməndərov xüsusilə külli miqdarda dələduzluq ittihamı ilə mühakimə olunub. İttihamlar zərərçəkmiş şəxslərin və şahidlərin ifadələri ilə təsdiqlənib və onun eyni mənzili bir neçə şəxsə satdığı sübuta yetirilib.

Məhkəmə qərarına əsasən, Emil Səməndərov 13 il müddətinə azadlıqdan məhrum edilib. Qeyd edək ki, Səməndərov bir müddət əvvəl iş adamı İsfəndiyar Axundovu məhkəməyə vermişdi. Buna səbəb Axundovun onu “dələduz” adlandırması olmuşdu. Lakin məhkəmə bu şikayəti əsassız sayaraq İsfəndiyar Axundova bəraət verib.