İranda iqtisadi problemlərə qarşı yeni qərargah!

İran İqtisadiyyat Nazirliyinin nəzdində müharibə şəraitinin yaratdığı iqtisadi problemlərin operativ həlli məqsədilə yeni bir qərargah təsis edilib. Bu barədə İran iqtisadiyyat nazirinin müavini Murtəza Zəmanian məlumat verib. Minval.info xəbər verir ki, ‘İqtisadi Müharibə Qərargahı’ yaranan çətinliklərin çevik şəkildə aradan qaldırılması və aidiyyəti qurumlar arasında koordinasiyanın təmin edilməsi üçün fəaliyyət göstərəcək. Zəmanian bildirib ki, bu yeni mexanizm problemlərin həlli zamanı bürokratik gecikmələrin qarşısını almağa imkan verəcək.