İran və oman hürmüz boğazında təhlükəsizliyi artıracaq marşrutda razılaşdı: Ticarət gəmiləri üçün yeni dövr başlaya bilər

İran və Oman Hürmüz boğazında ticarət gəmilərinin təhlükəsiz hərəkətini təmin etmək üçün yeni bir marşrutun yaradılması barədə razılığa gəliblər.

Minval.info xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi məlumat verib. Onun sözlərinə görə, iki ölkə arasında aparılan danışıqlar nəticəsində marşrutun coğrafi koordinatları üzrə razılıq əldə olunub.

Bəqayi əlavə edib ki, marşrutun texniki, hüquqi, təhlükəsizlik və ekoloji aspektləri İranın müvafiq qurumları tərəfindən ətraflı şəkildə qiymətləndirilib. Əgər üçüncü tərəflər prosesə müdaxilə etməzsə, yaxın zamanda tərəflərin razılaşdırdığı əsas məqamları özündə əks etdirən birgə bəyanatın da yekunlaşdırılması gözlənilir.