İmaməddin Xəlilov: "Xəsarətim ciddi olmasaydı, yenidən qızıl medal qazanacaqdım"
Cənubi Koreyanın Muju şəhərində keçirilən parataekvondo üzrə dünya çempionatında bürünc medal qazanan İmaməddin Xəlilovun çempionluğuna əlindəki zədəsi mane olub. Baku.ws xəbər verir ki, bunu “Report”a açıqlamasında idmançı deyib.
Xəlilov, aldığı xəsarət səbəbindən qızıl medalı əldən verdiyini bildirib: “Ardıcıl ikinci dünya çempionatında da nəticə əldə etdiyimə görə çox sevincliyəm. Bundan əvvəlki yarışda qızıl medal qazanmışdım. Bu turnirə əlim zədəli halda qatılmışdım, çünki son görüşdə sınmışdı. İnanıram ki, xəsarətim ciddi olmasaydı, rahatlıqla yenidən qızıl medal qazanacaqdım. Qismət belə imiş”.
Parataekvondoçu əsas hədəfini də açıqlayıb: “Tək və ən böyük məqsədim 2028-ci ildə Los-Ancelesdə keçiriləcək Paralimpiadada qalib gəlməkdir. Ümid edirəm ki, buna nail olacağam”.
Qeyd edək ki, Cənubi Koreyada keçirilən yarışın yarımfinalında İ.Xəlilov meksikalı Xuan Qarsiyaya məğlub olub.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Dünyanın ən bahalı futbolçuları açıqlandı
Eminin fotosu Nyu-Yorkun məşhur meydanında nümayiş etdirildi
İmaməddin Xəlilov dünya çempionatında bürünc medal aldı
22 yaşı olsa da, 30 milyona yaxın qiyməti var
Azərbaycan Premyer Liqasında bu gün iki maraqlı oyun keçiriləcək
"Barselona"nın Bakıya gəliş tarixi məlum oldu
“Siti”nin sahibləri 2 milyard dollarlıq kreditdən məhrum oldular