İlham Əliyevdən Vasif Talıbovun oğlu ilə bağlı - SƏRƏNCAM

Prezident İlham Əliyev Dövlət Miqrasiya Xidmətinin əməkdaşlarına ali xüsusi rütbələrin verilməsi haqqında sərəncam imzalayıb.

Minval.İnfo xəbər verir ki, Dövlət Miqrasiya Xidmətirəisinin birinci müavini Vəli Nağı oğlu Nağıyevə II dərəcəli dövlət miqrasiya xidməti müşaviri ali xüsusi rütbəsi verilib.

Qeyd edək ki, V.Nağıyev Milli təhlükəsizlik nazirinin sabiq müavini, hazırda Baş Prokuror yanında Korrupsiyaya Qarşı Mübarizə İdarəsinin rəis müavini Əli Nağıyevin qardaşıdır.

Bundan başqa Naxçıvan Muxtar Respublikası Ali Məclisinin sədri Vasif Talıbovun oğlu Rza Talıbova da III dərəcəli dövlət miqrasiya xidməti müşaviri ali xüsusi rütbəsi verilib.

Eyni rütbə verilən digər məmur isə Naxçıvan Muxtar Respublikasının Dövlət Miqrasiya Xidmətinin rəisi Nəbiyev Şahin Hidayət oğludur.