İcra başçısından oğluyla bağlı yayılan xəbərə reaksiya

Saatlı İcra Hakimiyyətinin başçısı Nazim İsmayılov oğlunun Kanadada mülklərinin olmasıyla bağlı xəbərlərə münasibət bildirib.

“Qafqazinfo” xəbər verir ki, icra başçısı açıqlamasında xəbərin həqiqətə uyğun olmadığını bildirib.

“Guya oğlum Anar İsmayılov Kanadanın paytaxtı Torontonun “North York” bölgəsində dəyəri 1 milyon 300 min dollar olan mülk alıb və həmin əmlakın alınmasına dair çıxarışın surəti yayılıb. Bildirirəm ki, yazıda qeyd olunanlar əsasız və böhtan xarakterlidir. Mən bunları rədd edir, dərc olunan sənədin saxta olduğunu bildirir və bəzi KİV-lərin reytinq naminə dəqiqləşmə aparmadan yalan məlumat yaymalarından dərin təəssüf hissi keçirirəm”, – deyə Nazim İsmayılov əlavə edib.