Honqkonqda yerləşən “Dünya Ticarət Mərkəzi”ndə (World Trade Center) yanğın başlayıb.
Minval.info “Dimsum Daily” portalına istinadən xəbər verir ki, yanğın Bakı vaxtı ilə 08:00 radələrində başlayıb.
38 mərtəbəli binadan indiyə qədər 165 nəfər təxliyyə olunub.
Bununla yanaşı, 100-ə yaxın insan beşinci mərtəbənin yaxınlığında açıq platformada, 350 nəfər isə binanın yuxarı hissəsində köməksiz qalıb. Hələ ki, 8 nəfərin xəsarət aldığı məlumdur.
“Dünya Ticarət Mərkəzi”ndə mağaza, restoran və ofislər yerləşir. Təmir səbəbindən binanın dayanacağından 5-ci mərtəbəyə qədər ərazi bağlı olub və buradakı ticarət məntəqələri fəaliyyət göstərməyib.
Yanğının birinci mərtəbədə yerləşən texniki otaqda baş verdiyi və buradan yayıldığı təxmin edilir.
