Hacıqabulda avtoxuliqan sürücüyə 15 sutka həbs

Hacıqabul rayonunda avtoxuliqanlıq edən sürücü hüquq-mühafizə orqanları tərəfindən saxlanılıb. Gecə saatlarında “VAZ” markalı avtomobili ilə yol hərəkəti qaydalarını kobud şəkildə pozan və digər sürücülərə təhlükə yaradan N.Əhmədzadə Hacıqabul Rayon Polis Şöbəsinin Dövlət Yol Polisi Bölməsinin əməkdaşları tərəfindən müəyyən edilib.

Minval.info xəbər verir ki, sürücü barəsində toplanmış materiallar hüquqi qiymət verilməsi üçün məhkəməyə təqdim edilib. Məhkəmənin qərarına əsasən, N.Əhmədzadənin sürücülük hüququ 1 il müddətinə məhdudlaşdırılıb və o, 15 sutka inzibati qaydada həbs edilib.