Hacıqabulda avtoxuliqan sürücüyə 15 sutka həbs

Hacıqabulda avtoxuliqanlıq edən bir sürücü həbs edilib. Hacıqabul Rayon Polis Şöbəsinin Dövlət Yol Polisi Bölməsinin əməkdaşları tərəfindən gecə saatlarında keçirilən tədbirlər zamanı VAZ markalı avtomobili ilə yol hərəkəti qaydalarını kobud şəkildə pozan və digər sürücülərə təhlükə yaradan N.Əhmədzadə saxlanılıb.

Minval.info xəbər verir ki, sürücü barəsində toplanmış materiallar hüquqi qiymət verilməsi üçün məhkəməyə göndərilib. Məhkəmənin qərarı ilə N.Əhmədzadənin sürücülük hüququ 1 il müddətinə məhdudlaşdırılmaqla 15 sutka inzibati qaydada həbs edilib.