Həyat yoldaşından küsən oğlan intihara cəhd etdi - VİDEO - Azərbaycanda

Gəncədə intihara cəhdinin qarşısı alınıb.

Minval.info-nun SİA-ya istinadən verdiyi xəbərə görə hadisə şəhərin Nizami rayonundakı Yeni Gəncə yaşayış massivi ərazisində baş verib. Gəncə sakini İsgəndərov İsgəndər binalardan birinin damına qalxaraq intihar etmək istəyib. Hadisə yerinə vaxtında gələn polis əməkdaşları və FHN-nin xilasediciləri ərazidə təhlükəsizlik tədbirləri görüblər. İntihara cəhdin qarşısı alınıb. FHN-nin xilasedicilərindən ibarət xüsusi qrup psixoloji söhbət aparmaqla Gəncə sakini, 1990-cı il təvəllüdlü İsgəndərov İsgəndər Ayət oğlunu fikrindən daşındırmağa nail olub.

Məlumata görə, İ.İsgəndərovun intihara cəhd etməsinə səbəb onun həyat yoldaşının evdən küsüb getməsi olub.

Minval.info