Göyçayda suvarma kanalında sızma: Kəndi su basmaq təhlükəsi necə önlənildi?
Göyçay rayonunda yerləşən Şirvan suvarma kanalında ciddi sızma baş verib. Hadisə Şəhadət-Qarabağlar kəndi ərazisindən keçən hissədə qeydə alınıb və nəticədə su yaxınlıqdakı çökəkliyə axıb.
Minval.info xəbər verir ki, aidiyyəti qurumlar sızmanın qısa müddətdə təxminən 10 metr genişləndiyini bildiriblər. Sakinlərdən biri, 64 yaşlı yerli sakin, bu cür hadisənin ilk dəfə baş verdiyini və vaxtında müdaxilə olunmasaydı, kəndin su altında qala biləcəyini qeyd edib.
Şirvan Suvarma İstismarı İdarəsinin rəisi Əliqulu Abbasov, hadisənin köhnə çay yatağı üzərində inşa olunmuş hissədə torpaq qatından başlayan sızma nəticəsində baş verdiyini açıqlayıb. Kanalda suyun səviyyəsi azaldılıb, əraziyə texnika və işçi qüvvəsi cəlb olunub. Hazırda bərpa işləri davam edir və axan su köhnə kollektor istiqamətinə yönləndirilib, əhali üçün təhlükə yoxdur.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Lökbatan sakinləri su dərdində: Yay istisində gündüzlər nə edək?
Bakıda bina sakinlərinin narahatlığı: Metro keçidi təhlükə yaradır?
Daş karxanalarının köhnə mişarları Bakının havasını niyə zəhərləyir?
