Əflatun Amaşova yeni vəzifə verildi

Mətbuat Şurasının sədri Əflatun Amaşov “Xalq” qəzetinin baş redaktoru təyin edilib.

“Minval.info” xəbər verir ki, bu barədə Əflatun Amaşov özü məlumat verib.

Qeyd edək ki, Ə.Amaşov 26 aprel 1957-ci ildə Gürcüstanın Bolnisi rayonunun Faxralı kəndində anadan olub. 1985-1994-ci illərdə Azərbaycan Dövlət İnformasiya Agentliyində (AzərTAc-da) müxbir, şöbə müdiri, redaktor, baş redaktor və baş direktorun birinci müavini vəzifələrində çalışıb. 2003-ci il martın 15-də jurnalistlərin I qurultayında Azərbaycan Mətbuat Şurasının sədri seçilib. Ölkə jurnalistlərinin 2005, 2008, 2013 və 2018-ci illərdə keçirilmiş qurultaylarlarının qərarı ilə Azərbaycan Mətbuat Şurasının sədri vəzifəsindəki fəaliyyətini davam etdirib. V çağırış Milli Məclisin deputatı olub. O, hazırda Mətbuat Şurasının sədridir.