Ermənistanın “Müqavimət” müxalifət hərəkatı parlament binasının girişində növbəti etiraz aksiyası keçirir.

KONKRET.az xəbər verir ki, bu barədə informasiyanı “Armenia Today” nəşri yayıb. Mənbə qeyd edir ki, binanın yaxınlığında böyük polis qüvvələri, o cümlədən xüsusi təyinatlılar cəmləşib. Polis zəncir yaradıb və parlamentə gedən yolun bir hissəsini bağlayıb.

Bu gün Ermənistanda parlamentin növbədənkənar iclası keçirilir, gündəliyə müxalifət hərəkatlarının lideri İşxan Saqatelyanın parlamentin sədr müavini vəzifəsindən geri çağırılması və Vaqe Akopyanın parlamentin İqtisadi məsələlər daimi komissiyasının sədri kimi səlahiyyətlərinə xitam verilməsi daxildir.