11 sentyabrın 25-ci ildönümü: Müharibəsiz ilk anma

Bu gün, 11 sentyabr 2026-cı il tarixində, Amerika Birləşmiş Ştatlarında baş verən dəhşətli terror aktının 25-ci ildönümü qeyd olunur. 2001-ci ilin 11 sentyabrında Nyuark, Boston və Vaşinqtondan San-Fransisko və Los-Ancelesə uçan dörd sərnişin təyyarəsi terrorçular tərəfindən qaçırıldı və ABŞ-ın məşhur “Əkiz Qüllələr”inə çırpıldı. Bu hadisə nəticəsində 3 000-dən çox insan həyatını itirdi.

Minval.info xəbər verir ki, həmin faciədən sonra ABŞ hökuməti terrorla mübarizə tədbirlərini gücləndirdi. Daxili Təhlükəsizlik Departamenti yaradıldı və 22 dövlət qurumu, o cümlədən Gömrük Xidməti, İmmiqrasiya və Naturalizasiya Xidməti, ABŞ Sahil Mühafizəsi və Federal Fövqəladə İdarəetmə Agentliyi birləşdirildi. Konteyner Təhlükəsizliyi Təşəbbüsü çərçivəsində ABŞ-a daxil olan dəniz konteynerlərinin 80%-dən çoxu yoxlanılır.

Bu il 11 sentyabr hadisələri ilk dəfə “müharibəsiz” anılır. ABŞ, Əfqanıstanda 20 il davam edən hərbi əməliyyatlarını dayandıraraq, ordusunu geri çəkdi. Bu müddət ərzində on minlərlə insan həyatını itirdi və trilyonlarla dollar xərcləndi.