Emin Ağalarovdan SƏRT QƏRAR – “Sea Breeze”də cərimələr tətbiq olunur

Tanınmış biznesmen və müğənni Emin Ağalarov “Sea Breeze” kurort şəhərciyində yeni qaydaların tətbiq olunduğunu açıqlayıb.

Minval.info xəbər verir ki, o, bu barədə sosial şəbəkə hesabında paylaşım edib.

Emin Ağalarov bildirib ki, bəzi valideynlər qolf meydançasında uşaqların qolf avtomobillərini idarə etməsinə icazə verir və bu, onların həyatı üçün ciddi təhlükə yaradır.

Onun sözlərinə görə, bundan sonra belə hallara yol verən şəxslər cərimələnəcək, istifadə etdikləri qolf avtomobilləri isə əllərindən alınacaq.

Biznesmen qeyd edib ki, qərarın əsas məqsədi “Sea Breeze” ərazisində təhlükəsizliyi təmin etmək və mümkün qəzaların qarşısını almaqdır.