Dünyanın ən təmizkar aviaşirkətinin adı açıqlanıb

Aviaşirkətlərin və hava limanlarının xidmət səviyyəsinin qlobal qiymətləndirilməsi sahəsində Böyük Britaniyanın aparıcı konsaltinq şirkəti “Skytrax” dünyanın ən təmizkar aviaşirkətinin adını açıqlayıb.

“Qafqazinfo” qurumun saytına istinadən xəbər verir ki, bu, Tayvanın “EVA Air” aviakompaniyasıdır. Sözügedən şirkət bütün rəqiblərini geridə qoyaraq birinci yerə çıxıb.

İkinci yerdə “Japan Airlens”, üçüncü yerdə “ANA All Nippon Airways”, dördüncü yerdə “Singapore Airlines”, beşinci yerdə isə “Asiana Airlines” qərarlaşıb.

Bundan əlavə, reytinqdə Çinin “Hainan Airlines”, İsveçrənin “Swiss International”, Honkonqun “Cathay Pacific”, Qətərin “Qatar Airways” və Almaniyanın “Lufthansa” şirkəti yer alıb.