Dörd yaşlı qızın quduzluğa yoluxması: Sahibsiz heyvanların təhlükəsi nə qədər ciddidir?
Diyarbəkirdə dörd yaşlı qızın quduzluq xəstəliyinə yoluxması cəmiyyətdə böyük narahatlıq yaradıb. Küçə pişiyi tərəfindən dişlənən uşaq, hadisədən dörd ay sonra ağır vəziyyətdə xəstəxanaya yerləşdirilib.
Minval.info xəbər verir ki, ilkin müayinə zamanı evə buraxılan uşaq, aylar sonra vəziyyətinin kəskin pisləşməsi ilə təkrar xəstəxanaya gətirilib və quduzluq diaqnozu təsdiqlənib. Hazırda o, süni tənəffüs aparatına qoşulub.
Professor Adil Qeybulla, sahibsiz heyvanların quduzluq riski daşıdığını vurğulayaraq, Avropa ölkələrində bu cür heyvanların baytar nəzarətində saxlanıldığını qeyd edib. O, Türkiyə və Azərbaycanda isə küçələrdə sahibsiz heyvanların dolaşdığını və bu heyvanların insanlara hücum edə biləcəyini bildirib.
ƏLAQƏLİ
Bakı polisi narkotik əməliyyatında 34 yaşlı şübhəlini ələ keçirdi: 5 kiloqramlıq tutulan yük!
Həkim, heyvan dişləməsi və ya cırmaqlaması hallarında dərhal tibbi yardım alınmasının vacibliyini qeyd edib: “Hər hansı heyvan dişləməsi zamanı zərərçəkənə quduzluq əleyhinə vaksin vurulmalıdır. Bu, xəstəliyin erkən mərhələdə qarşısını almaq üçün vacibdir, çünki quduzluq kliniki əlamətlər göstərdikdən sonra müalicəsi mümkün deyil.”
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
