“Diqlas”da malları yanan sahibkarlar bir araya gəldi, obyektin rəhbəri vəd verdi – Fotolar, Video

Özünü yanan Diqlas ticarət mərkəzinin rəhbəri kimi təqdim edən Bəhruz adlı şəxs vətəndaşlara kömək ediləcəyini, binanın təmir ediləcəyini və digər obyektlərlə danışıqlar aparıb satış həyata keçirtmək üçün onlara nöqtə verəcəyini vəd edib.

Bunu bizimyol.info saytının hadisə yerində olan müxbiri xəbər verir.

Bunun müqabilində isə vətəndaşlara dağılışmağı, saat 4 də yenidən görüşüb onların sualların cavablandıracağını deyilib.

Eyni zamanda aqressiv sahibkarlar ticarət mərkəzinin rəsmisi kimi özünü təqdim edən şəxsə hücum edərək onu təhqir ediblər. Əlbəyaxa davanı sakitləşdirmək üçün çevik polis alayının əməkdaşları müdaxilə ediblər. Lakin sahibkarlar buna da məhəl qoymayıblar. Polislərlə sahibkarlar arasında insident yaşanıb.

Hazırda danışıqların aparılır, sahibkarlar dağılışmayacaqlarını, onlara konkret dəymiş ziyanın ödənilməsini tələb edirlər.

Eyni zamanda onlar sözügedən rayonun icra başçısının əraziyə gəlməsini tələb ediblər. Əks təqdirdə onlar icra hakimiyyətinə gedəcəklərini bildiriblər.