DİN kiberdələduzluq əməliyyatında 8 nəfəri saxladı: Saxta profillərin sirri açıldı!

Daxili İşlər Nazirliyi (DİN) saxta sosial media profilləri və “WhatsApp” hesabları vasitəsilə kiberdələduzluq edən şəxslərə qarşı genişmiqyaslı əməliyyat həyata keçirib. Bu əməliyyat nəticəsində 8 nəfər saxlanılıb.

Minval.info xəbər verir ki, saxlanılan şəxslər arasında Fərid Əliyev, Asiman Zeynalov, Tofiq Əliyev, Fərid Atakişiyev, Röyal Abdullayev, Anar Məmmədov, Rəşad Hacıyev və Həmid Əliyev var. Onlar xaricdə fəaliyyət göstərən kibercinayətkar qruplaşmalarla əməkdaşlıq edərək, yerli mobil operatorlara aid elektron nömrələr və qanunsuz fəaliyyətlərdə istifadə olunan bank kartları ilə təmin ediblər.

Araşdırmalar zamanı məlum olub ki, saxlanılan şəxslər 2 mindən artıq bank kartı və elektron mobil nömrəni qanunsuz fəaliyyətlərdə istifadə ediblər. Bu kart və nömrələrdən bəziləri qanunsuz onlayn qumar və kazino oyunlarının təşkili üçün istifadə olunub.

ƏLAQƏLİ

Bunu da oxu

<span class="text-[#d8232a] font-bold" style="color:#d8232a;">TikTok tanışlığı kabusa çevrildi:</span> "vəzifəli şəxs" 91 min manatlıq dələduzluğa görə məhkum edildi

17.08.2026 - 13:33

Hazırda saxlanılan şəxslərlə bağlı əməliyyat-istintaq tədbirləri davam etdirilir. Xaricdə fəaliyyət göstərən kibercinayətkar qruplaşmaların digər üzvlərinin də müəyyən edilərək məsuliyyətə cəlb olunması istiqamətində işlər aparılır.

Vətəndaşlara xəbərdarlıq edərək bildiririk ki, bank rekvizitlərinin və mobil nömrələrin üçüncü şəxslərə cinayət əməllərində istifadə olunması üçün təqdim edilməsi yolverilməzdir. Əgər bank kartınızdan və ya mobil nömrənizdən qeyri-qanuni məqsədlərlə istifadə edildiyini müəyyən etmisinizsə, dərhal polis orqanlarına məlumat verin.

ƏLAQƏLİ

Bunu da oxu

Türkiyəni "satın alacağını" iddia edən keçmiş iş adamı narkotik əməliyyatında həbs edildi

17.08.2026 - 12:43