Dilarə Əliyeva Bakının tıxac problemindən şikayətləndi

Əməkdar artist Dilarə Əliyeva Bakıda yaşanan tıxaclarla bağlı narazılığını ifadə edib. O, sosial şəbəkədə paylaşdığı fikirlərində, insanların uzun müddət tıxacda qalmasının aqressiyaya səbəb olduğunu vurğulayıb.

Minval.info xəbər verir ki, Dilarə Əliyeva, “Bu ölkənin ən çox nevropatoloqa ehtiyacı var. 15 dəqiqəlik yolu iki saat yarıma gedib çıxa bilmirsən. Beyin xarab olur, aqressiya ilə insan dolur. Müəllim uşağı danlayır, uşağın qanı qaralır, valideynin də qanı qaralır. Hamı bir-birinə nə var deyir. Aqressiyanı azaltmaq üçün nevropatoloqa ehtiyac var. Dərman yazmalıdır ki, sakitləşək. Bunun adına yaşamaq demək mümkündürsə, biz indi yaşayırıq. Yayı gözləyək? Camaat dağlara çəkilsin? Bəlkə yollar çəkilsin?” deyə bildirib.