Dahi bəstəkar Tofiq Quliyev 108 il əvvəl doğulub

Bu gün Azərbaycanın tanınmış bəstəkarı və Xalq artisti Tofiq Quliyevin doğum günüdür. Onun anadan olmasından 108 il ötür. Baku.ws-ın məlumatına görə, Tofiq Ələkbər oğlu Quliyev 1917-ci il noyabrın 7-də Bakıda dünyaya gəlib.

Gənc yaşlarından musiqiyə maraq göstərən Tofiq Quliyev, 12 yaşında Azərbaycan Dövlət Konservatoriyası yanında peşə məktəbinə daxil olub və 1934-cü ildə Konservatoriyaya qəbul edilib. 1936-cı ildə isə təhsilini tamamlayıb.

O, 1931-ci ildə M.Ə.Sabirin sözlərinə “Məktəbli” mahnısını bəstələyib və 1935-ci ildə M.Əzizbəyov adına Azərbaycan Dövlət Dram Teatrında dirijor kimi fəaliyyətə başlayıb. 1936-cı ildə bəstəkar Z.Baqnrovla birgə müxtəlif muğamları fortepianoda hazırlayıb.

ƏLAQƏLİ

Bunu da oxu

Fidan Hacıyevanın Fransadakı möhtəşəm konsertindən görüntülər

05.11.2026 - 11:34

Tofiq Quliyev, Üzeyir Hacıbəyovun təşəbbüsü ilə Moskva Dövlət Konservatoriyasında təhsilini davam etdirib və müharibədən sonra bir çox teatrlarla əməkdaşlıq edib. Onun musiqi yaradıcılığı 40-cı illərdən etibarən kino sahəsinə də sirayət edib.

Həyatının son illərində Azərbaycan Bəstəkarlar İttifaqının idarə heyətinin sədri kimi çalışıb və 2000-ci ilin 4 oktyabrında vəfat edib. O, kinorejissor Eldar Quliyevin atası, senarist Nərminə Quliyevanın isə babasıdır.