Dərnəgül” deposunda ilk qatarın gəlişi: Bakı metrosunda yeni dövr başlayır

Dərnəgül" deposunda ilk qatarın gəlişi: Bakı metrosunda yeni dövr başlayır

“Dərnəgül” elektrik deposu, inşaat işlərinin ikinci mərhələsinin tamamlanmasının ardından ilk qatarını qəbul etdi. Bu hadisə, depo tarixində əlamətdar bir an olaraq qeyd olunur.

Minval.info xəbər verir ki, “Bakı Metropoliteni” QSC-dən verilən məlumata görə, deponun qismən istismara verilməsi məqsədilə sınaq qatarının hərəkəti uğurla həyata keçirilib. Depo yolları, bütün texniki parametrlərə uyğun olaraq yoxlanılıb.

Bu yeni depo, Yaşıl xətdə fəaliyyət göstərəcək qatarların təmir və baxımı, gecələməsi və digər zəruri əməliyyatların icrası üçün nəzərdə tutulub. “Dərnəgül” deposunun istifadəyə verilməsi, Yaşıl və Qırmızı xətlərin ayrılması layihəsinin bir hissəsi olaraq, metropolitendə xidmət keyfiyyətinin yüksəldilməsinə, sıxlığın və intervalların azaldılmasına mühüm töhfə verəcək.