Cəmi 20 il qalıb: Bil Qeyts insanlığı təhdid edən xəbəri çatdırdı

“Microsoft”un həmtəsisçisi Bill Qeyts, süni intellekt və robot texnologiyalarının sürətli inkişafı ilə bağlı maraqlı fikirlər səsləndirib. Publika.az-ın məlumatına görə, Qeyts “The Verge” nəşrinin “Decoder” podkastında çıxışı zamanı robotların yaxın 20 il ərzində insanların gördüyü işlərin böyük hissəsini əvəz edəcəyini bildirib.

Qeytsin proqnozuna əsasən, süni intellektin indiki inkişaf sürəti davam edərsə, robotlar ev tikmək, ərzaq hazırlamaq və hətta cərrahi əməliyyatlar aparmaq kimi işləri yerinə yetirə biləcəklər. Bu texnologiyalar istehsal və xidmət sektorlarında geniş yayılaraq insanlardan daha ucuz və effektiv işləyəcək.

Bu dəyişikliklər ilk olaraq ofis işçilərinə təsir edəcək. Süni intellekt telefonla satış, müştəri xidmətləri və mühasibatlıq kimi sahələrdə insanları əvəz edə bilər. Humanoid robotlar isə tikinti və kənd təsərrüfatı sahələrində geniş istifadə olunacaq.

ƏLAQƏLİ

Bunu da oxu

Süni intellekt cərrahların işini dəyişir

02.11.2026 - 16:14

Bununla yanaşı, Qeyts avtomatlaşdırmanın məhsulların ucuzlaşmasına, daha əlçatan mənzillərin tikilməsinə və tibbi xidmətlərin keyfiyyətinin yüksəlməsinə yol açacağını düşünür. Süni intellekt xəstəliklərin müalicəsində yeni üsulların hazırlanmasına da kömək edə bilər.

Lakin bu texnoloji dönüşüm cəmiyyət üçün ciddi sosial nəticələr doğura bilər. Milyonlarla insanın peşə bacarıqları artıq tələb olunmaya bilər və mövcud iş yerləri yox ola bilər. Qeyts bu keçid dövründə cəmiyyətin böyük sarsıntılarla üzləşəcəyindən narahatdır və qeyd edir ki, iş yalnız gəlir mənbəyi deyil, həm də insanların həyat məqsədidir. Bu səbəbdən, məşğulluq, gəlirlərin bölüşdürülməsi və yeni həyat məqsədlərinin tapılması kimi məsələlər cəmiyyətin qarşısında duran mürəkkəb problemlər olacaq.