Nepalda iki helikopter toqquşdu: Ölən və yaralananlar var
Nepalda Everest bölgəsində yerləşən Periçe kəndində iki helikopterin eniş zamanı toqquşması faciə ilə nəticələnib. Hadisə nəticəsində bir turist həyatını itirib.
Oxu.az-ın məlumatına görə, bu barədə “SHOT” “Telegram” kanalı rusiyalı bələdçiyə istinadən məlumat verib. Nepal polisi də yerli mediaya verdiyi açıqlamada bir əcnəbi vətəndaşın öldüyünü təsdiqləyib.
Polisin “Facebook” səhifəsində verilən məlumata əsasən, “Bir nəfər ölüb, üç nəfər yaralanıb”. Ölən şəxsin Hindistan vətəndaşı olduğu müəyyən edilib. Yaralananlar arasında hindistanəsilli Yeni Zelandiya vətəndaşı da var və o, xəstəxanaya çatdırılıb.
Helikopterlərin hər iki pilotu yüngül xəsarətlər alıb və müalicə üçün Katmanduya aparılıblar. Toqquşma “Fishtail Air” və “Air Dynasty” şirkətlərinin helikopterləri arasında baş verib və hadisə “Edelweiss Pheriche” hotelinin yaxınlığında olub.
Toqquşmadan sonra hər iki helikopter yerə çırpılıb. Hadisə zamanı yaxınlıqda olan turistlər də təhlükə ilə üzləşiblər, lakin ciddi xəsarət alan olmayıb. Toqquşmanın səbəbləri və xəsarət alanlar haqqında daha ətraflı məlumatlar hələ dəqiqləşdirilir.
SOSİAL MEDİA MƏZMUNU
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Cənubi Koreya liderinin şəxsi məlumatları internetdə sızdırıldı
Snap Inc. ABŞ-da sosial media ilə bağlı məhkəmə iddiasını həll etdi
Avropada marketlərə siber hücumlar artıb
Brexit sonrası yaranan travma Brüsseli narahat edir
ABŞ-da iqtisadi çətinliklər seçki nəticələrinə təsir edə bilər
ABŞ-da ara seçkilərdə diqqətlər mühüm ştatlara yönəlib
