Corcia Meloni səsini süni intellektdən qorumaq üçün addım atdı

İtaliyanın Baş Naziri Corcia Meloni, səsini qorumaq məqsədilə diqqətçəkən bir hüquqi addım atıb. Süni intellekt texnologiyalarının sürətli inkişafı nəticəsində yaranan təhlükələrə qarşı Meloni, səsinin saxta məzmunlarda istifadə edilməsinin qarşısını almaq üçün mühüm tədbir görüb.

Minval.info xəbər verir ki, Meloni, səsini Avropa İttifaqının Əqli Mülkiyyət Ofisində (EUIPO) səs markası kimi qeydiyyatdan keçirmək üçün rəsmi müraciət edib. Bu müraciət, onun səsinin icazəsiz istifadə edilməsi hallarında hüquqi tədbirlər görmək üçün əlavə imkan yaradır.

Bu addımın mərkəzində, Meloninin yalnız 4 saniyəlik səs yazısı dayanır. İtalyan dilində “Lo sono Giorgia Meloni” ifadəsini iki dəfə təkrarlayan bu səs yazısı, onun səsini rəqəmsal saxtakarlıqlardan qorumaq məqsədini güdür.

ƏLAQƏLİ

Bunu da oxu

Fransız texnologiya şirkəti Soitec qlobal yarımkeçirici sənayesinə güc verir

02.10.2026 - 17:22

Oktyabrın 5-də edilən müraciət, hazırda EUIPO tərəfindən araşdırılma mərhələsindədir. Süni intellekt vasitəsilə yaradılan deepfake texnologiyaları, qısa səs nümunələrindən istifadə edərək yeni nitqlər yaratmaq qabiliyyətinə malikdir. Meloninin bu addımı, texnoloji olaraq səsinin kopyalanmasının qarşısını birbaşa almasa da, hüquqi mübarizədə əlavə təməl təmin edə bilər.

Associated Press agentliyinin məlumatına görə, Meloni, süni intellekt tərəfindən yaradılan manipulyasiya edilən görüntülərin hədəfi olub və bu məsələdə qanuni yollara baş vurub.