Buraxılış imtahanının nəticələri açıqlandı!

Sentyabrın 6-da keçirilən buraxılış və Azərbaycan dili (dövlət dili kimi) imtahanlarının nəticələri açıqlanıb. İmtahanda üzrlü səbəbdən iştirak edə bilməyən şagirdlər üçün təşkil olunan bu imtahanın nəticələri artıq elan edilib.

Minval.info xəbər verir ki, Dövlət İmtahan Mərkəzi (DİM) tərəfindən verilən məlumata görə, imtahanda iştirak edən şagirdlər iş nömrəsi (8 rəqəmli şagird kodu) və şəxsiyyəti təsdiq edən sənədin nömrəsindən (və ya FİN kodundan) istifadə edərək öz imtahan nəticələrini və cavab vərəqinin qrafik təsvirini onlayn şəkildə öyrənə bilərlər.