“Aztəminatlı və çoxuşaqlı ailələrin sosial müdafiəsini artırmaq üçün hər cür zəruri addımlar atılmalıdır”.

Bu sözləri millət vəkili Asim Mollazadə Bakupost.az -a açıqlamasında deyib.

O, büdcədə artımın gözlənildiyini, bu artımın əhalinin sosial müdafiəsi istiqamətində xərclənməli olduğunu düşünür:

“Büdcə artımının sosial müdafiə üçün aztəminatlı və çoxuşaqlı ailələlərə ünvanlanmasını istərdim. Düşünürüməm ki, bu məsələyə yenidən baxılacaq. Müharibə veteranları, əlillər, şəhid ailələrinin də müdafiəsinə ehtiyac var. Bu istiqamətdə də müvafiq qərarların alınmasını gözləyirəm. Burada vətəndaş cəmiyyətinin, qeyri-hökumət təşkilatlarının önəmli rolu var. Bu prosesdə həm müvafiq dövlət qurumlarının işinə nəzarət, həm də işlərini təkmilləşdirmək istiqamətində yardım göstərilsə, problemlərin həlli sürətlənərdi”.