“Binə” Ticarət Mərkəzi koronavirusla mübarizəyə pul ayırdı

Azərbaycanda koronavirusla mübarizəyə ölkənin ən böyük ticarət mərkəzlərindən biri olan “Binə” TM də qoşulub.

Minval.info-nun verdiyi xəbərə görə, “Binə” Ticarət Mərkəzi Azərbaycan Prezidenti İlham Əliyevin 19 mart 2020-ci il tarixli fərmanı ilə koronavirus infeksiyasının yayılmasının qarşısının alınması və onunla mübarizə istiqamətində həyata keçirilən tədbirlərə dəstək məqsədilə yaradılmış Koronavirusla Mübarizəyə Dəstək Fonduna 50 min manat vəsait köçürüb.

“Binə” TM rəhbərliyi pandemiya ilə mübarizə üçün sosial həmrəyliyin nümayiş etdirilməsinə və vətəndaşları dövlətin koronavirusla mübarizə istiqamətində həyata keçirdiyi qabaqlayıcı tədbirlərə dəstək olmağa çağırır.