Balakəndə faciəvi qəza: Ailənin itirdikləri və sağ qalanlar arasında həyat mübarizəsi

Balakən rayonunda baş verən ağır yol-nəqliyyat qəzasında daha bir nəfər həyatını itirib. Bu hadisə nəticəsində ailə başçısı da dünyasını dəyişib.

Minval.info xəbər verir ki, “Toyota” markalı avtomobildə olan 1975-ci il təvəllüdlü Yaşar Mahamarəsul oğlu Mütəllibov xəstəxanaya yerləşdirilsə də, orada vəfat edib.

Xatırladaq ki, Balakən rayonunun Katex kəndi yaxınlığında “Hyundai”, KIA və “Toyota” markalı avtomobillərin toqquşması nəticəsində 1974-cü il təvəllüdlü Pərvanə Zahid qızı Məmmədova, Məryəm Kamil qızı Hoorsova və 1999-cu il təvəllüdlü Rəşad Yaşar oğlu Mütəllibov hadisə yerində həyatını itirmişdi. 1975-ci il təvəllüdlü Yaşar Mütəllibov və 1965-ci il təvəllüdlü Şərif Siracəddin oğlu Soltanov isə ağır xəsarətlərlə xəstəxanaya çatdırılmışdı.