Bakının iki rayonunda qaz təchizatı dayandırılacaq

Sentyabrın 10-da Bakının Yasamal və Qaradağ rayonlarının müəyyən ərazilərində qaz təchizatı müvəqqəti olaraq dayandırılacaq. Bu barədə Azərbaycan Dövlət Neft Şirkətinin “Azəriqaz” İstehsalat Birliyi məlumat verib.

Minval.info xəbər verir ki, təmir və quraşdırma işləri ilə əlaqədar olaraq saat 10:00-dan etibarən işlər tamamlanana qədər Yasamal rayonunun M.İbrahimov, L.Tolstoy, B.Səfəroğlu, D.Əliyeva, H.Aslanov, Ə.Quliyev, İ.Səfərli, T.Xəlilbəyli küçələrində və Qaradağ rayonunun Qobustan qəsəbəsində qaz təchizatında qısamüddətli fasilə yaranacaq.