Bakıda və bölgələrdə yaşıllıqlara ciddi ziyan vurulub

Son bir həftə ərzində Bakıda və müxtəlif bölgələrdə yaşıllıqlara ciddi ziyan vurulub. Dövlət Ekoloji Təhlükəsizlik Xidmətinin keçirdiyi nəzarət tədbirləri nəticəsində qanunsuz ağackəsmə faktları aşkarlanıb.

Minval.info xəbər verir ki, Bakı şəhəri, Sabirabad, Xaçmaz, Şamaxı, İsmayıllı və Şabran rayonlarında yaşıllıqların qanunsuz kəsilməsi halları müəyyən edilib. Bu qanunsuz fəaliyyət nəticəsində ümumilikdə 227 min 850 manat dəyərində ziyan vurulub.

Araşdırmalar zamanı Binəqədi rayonu, M.Ə.Rəsulzadə qəsəbəsi, Sabirabadın Muğanlı kəndi, Xaçmazın Qaradağlı kəndi, Şamaxının Günəşli kəndi, İsmayıllının Kürdmaşı kəndi və Şabran rayonu ərazisindən keçən magistral yolların kənarında ağacların qanunsuz kəsildiyi müəyyən olunub.

ƏLAQƏLİ

Bunu da oxu

70-ci maddənin “ç” bəndi: Cəza, yoxsa ömürlük məhdudiyyət?

31.07.2026 - 12:22

Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından, məsələ hüquq-mühafizə orqanlarına təqdim edilib.