Bakıda sonuncu Qədr gecəsində böyük izdiham - Fotolar

Mayın 28-i bir çox müsəlman ölkələri ilə yanaşı, Azərbaycanda da sonuncu Qədr gecəsi qeyd olunub.

Minval.info xəbər verir ki, Bakının “Məşədi Dadaş” məscidində təşkil olunan əhya məclisində böyük izdiham yaşanıb. Belə ki, yüzlərlə insan adı çəkilən ibadət evinə üz tutaraq məscidin axundu hacı Şahin Həsənlinin söhbətlərini dinləyib və dualar edib.

Qeyd edək ki, Qədr gecəsi “Qurani-Kərimin” nazil olduğu gecədir. Müqəddəs kitab İslam peyğəmbərinə 23 il ərzində hissə-hissə və Qədr gecəsində bütövlükdə nazil olub.