Bakıda qohumunun evini qarət edən şəxsin məhkəməsi başladı – “Oğru evdə araq içirdi”

Bakıda qohumunun evini qarət edən şəxsin məhkəməsi başladı - "Oğru evdə araq içirdi"

Bakı Ağır Cinayətlər Məhkəməsində quldurluq və oğurluqda təqsirləndirilən Aydın Muxtarovun cinayət işi üzrə məhkəmə istintaqı başlayıb.

Hakim Fikrət Qəribovun sədrliyi ilə keçirilən prosesdə ittiham aktı elan edilib.

Bayram Məmmədovun ailəsini sarsıdan cinayət: Qardaşı saxlanıldı

ƏLAQƏLİ

Bunu da oxu

Bayram Məmmədovun ailəsini sarsıdan cinayət: Qardaşı saxlanıldı

02.08.2026 - 12:47

İttihama münasibət bildirən A.Muxtarov özünü qismən təqsirli bilib və qeyd edib ki, evə basqın edərkən əlində silah olmayıb.

Prosesdə ifadə verən zərərçəkmiş İlkin Əsgərov bildirib ki, qonşusu ona mənzilinin pəncərəsinin sınması barədə məlumat verib: “Gəlib gördüm ki, 800 manatdan çox pul və əşyalar oğurlanıb. Oğru pəncərəni sındırıb içəri girmişdi. Bu günə kimi mənə dəyən ziyan ödənilməyib”.

Digər zərərçəkmiş Aysel Mustafayeva isə qeyd edib ki, təqsirləndirilən şəxs qohumudur: “Evində müzakirə ediblər ki, bizim evdə pul var. Çünki mənim atam zərgər olub. Hadisə günü evimizə gələndə gördük ki, oğru oturub evdə araq içir. Biz həyətə girəndə qaçdı. Evdən ümumilikdə 1500 manata yaxın pul və əşyalar aparıb”.

Goranboyda ailə faciəsi: Oğlu qətlə yetirən ata saxlanıldı

ƏLAQƏLİ

Bunu da oxu

Goranboyda ailə faciəsi: Oğlu qətlə yetirən ata saxlanıldı

02.08.2026 - 11:32

İclas oktyabrın 10-da davam edəcək.

İttihama görə, ötən il dekabrın 26-da Bakının Naxçıvani küçəsində yaşayan 1951-ci il təvəllüdlü Tatyana Pisorova öz evində hücuma məruz qalıb. Qaz açarı ilə hədələnən qadının evindən 100 manat, 300 ABŞ dolları, 80 avro, mobil telefon və qızıl-zinət əşyaları oğurlanıb. Cinayətkar hadisə yerindən qaçıb.

Hadisəni törədən Aydın Muxtarov həbs edilib.