Bir qrup şəxsin hesabına hər ay pul köçürüləcək - Kimlər müraciət edə bilməz?

Azərbaycanda sosial həssas qrupa aid olan birinci kurs tələbələri üçün yeni təqaüd proqramı elan edilib. Proqram çərçivəsində seçiləcək 20 tələbəyə aylıq 200 manat təqaüd veriləcək.

Publika.az-ın məlumatına görə, Təhsilin İnkişafı Fondu və Qırmızı Ürəklər Fondunun əməkdaşlığı ilə həyata keçirilən bu proqram bakalavriat səviyyəsinin birinci kursunda əyani təhsil alan tələbələrə yönəlib.

Proqrama müraciət etmək üçün namizədlərin Azərbaycan vətəndaşı olması, ali təhsil müəssisələrinə qəbul imtahanında minimum 600 bal toplaması, sosial həssas qrupa aid olması və könüllülük kimi fəaliyyətlərdə iştirak etməsi tələb olunur.

ƏLAQƏLİ

Bunu da oxu

AZAL-a dotasiya 20 %-ə yaxın artırılır

04.11.2026 - 11:34

Əlavə olaraq, namizədlərin ünvanlı dövlət sosial yardımı alan ailənin üzvü olması və ya valideynlərini itirmiş, əlilliyi olan və ya uşaq evində böyümüş şəxs olması lazımdır. Digər bir şərt isə namizədin valideynlərinin əlilliyi olması, işsiz kimi qeydiyyatda olması və ya sosial müavinət almasıdır.

Proqram üç mərhələdə – onlayn müraciət, qiymətləndirmə və müsahibə əsasında həyata keçiriləcək. Müraciətlər 17 noyabr 2026-cı il tarixinədək qəbul edilir. Qeyd edək ki, Təhsilin İnkişafı Fondunun digər təqaüd proqramlarından yararlananlar bu proqrama müraciət edə bilməzlər.