Bakıda məşhur restoran bağlanır - Açıqlama

Bakının məşhur restoranlarından sayılan “Oazis” sabahdan bağlanır.

Minval.info unikal.org -a istinadən xəbər verir ki, “Oazis”in sahibi Hacı Mirtalıb Miroğlu artıq restoranını məşhur marketlər şəbəkəsinə satıb.

Bu gün restoranda sonuncu ad günü, toy, nişan mərasimləri baş tutacaq. Sabahdan etibarən restoran heyəti buraxılacaq və müştəri qəbulu dayandırılır.

Həftənin çərşənbə axşamı restoranın söküntüsünə başlanılacaq. Artıq bununla bağlı işlərə də start verilib.

Məsələ ilə bağlı restoranda çalışan məsul şəxslərdən biri xəbəri saytımıza təsdiqləyib.