Bakıda dindarlar susuzluqdan əziyyət çəkən sakinlərə yardım etdi – Fotolar

Bakıda dindarlar susuzluqdan əziyyət çəkən sakinlərə yardım etdi - Fotolar

Mingəçevir İES-də baş verən qəzadan dolayı ölkənin müxtəlif bölgələrində əhalinin içməli su ilə təmin olunmasında ciddi problemlər yaranıb. Əksər yerlərdən bu problem aradan qaldırılsa da, bəzi ərazilərdə eyni vəziyyət davam edir.

Minval.info xəbər verir ki, Bakıda “Fatimeyi-Zəhra” məscidinin dini icması bununla əlaqədar nümunəvi addım atıb. Dindarlar ibadət evinin yerləşdiyi ünvana yaxın ərazilərdə susuzluq problemi yaşayan sakinlərə yardım göstərib.

İcma üzvlərinin təşəbbüsü ilə Yeni Günəşli qəsəbə sakinlərinin ehtiyaclarını təmin etmək üçün sözügedən ünvana su maşınları gətirilib. İnsanlar heç bir ödəniş etmədən qablara su yığaraq yaşadıqları mənzilə aparıb. Bununla yanaşı, icma üzvləri su dolu vedrələri bəzi sakinlərin evlərinə qədər aparıb.