Hakimi təhqir edən futbolçuya 4 oyunluq cəza

Azərbaycan II liqasında çıxış edən “Difai” klubunun futbolçusu Emil Binyətzadə, hakimi təhqir etdiyi üçün AFFA tərəfindən ciddi şəkildə cəzalandırılıb. Minval.info xəbər verir ki, AFFA İntizam Komitəsi tərəfindən verilən qərara əsasən, Emil Binyətzadə dörd oyunluq cəza alıb. Bu cəza, onun “Marafon” – “Difai” qarşılaşmasının 90+4-cü dəqiqəsində qeyri-etik ifadələr işlədərək birbaşa qırmızı vərəqə alması səbəbindən tətbiq edilib. Bundan əlavə, “Difai” klubu da 1000 manat məbləğində cərimələnib. Hadisə sentyabrın 8-də baş verib.