Bakıda böyük tıxac yaranıb - SƏBƏBİ

Bakının Ramana yolu adlanan ərazisində böyük tıxac yaranıb.

Minval.info xəbər verir ki, məsələ ilə bağlı Qaynarinfo-ya açıqlama verən Bakı Şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədov bildirib ki, Aeroport yolunda aparılan yekun tamamlanma işləri ilə əlaqədar müvəqqəti sıxlıq yaranıb və yol qısa zamanda tamamilə açılacaq.

“Təkcə Ramana  yolu deyil, ümumiyyətlə metronun “Koroğlu” stansiyasından aeroport yolu istiqamətində sıxlıq müşahidə olunur. Daha öncə məlumat verdiyimiz kimi Bakı Olimpia Stadionundan giriş-çıxış üçün keçid hazırlayırdılar. Artıq iş yekunlaşıb və son tamamlanma işləri aparılır. Sözügedən ərazidə yekun asvaltlama işinin təcili görülməsi ilə əlaqədar təxminən 20-25 dəqiqədir süni tıxac yaranıb. Artıq əməkdaşlarımız həmin əraziyə cəmləşib. Qısa müddətdə yol tamamilə açılacaq”