Zaqatalada mağaza yanğını: Xəsarət alan yoxdur

Zaqatalanın Danaçı kəndində yerləşən qarışıq mallar mağazasında yanğın baş verib. Hadisə bu gün səhər saatlarında qeydə alınıb. Mağaza kənd sakini Səbiət Rəbiət qızı İsayevaya məxsusdur.

Minval.info xəbər verir ki, yanğın nəticəsində obyektin yanar konstruksiyaları və içərisindəki məhsullar tamamilə yanıb. Yanğınsöndürənlərin operativ müdaxiləsi sayəsində yaxınlıqdakı digər tikililər yanğından qorunub. Hadisə zamanı xəsarət alan olmayıb və faktla bağlı araşdırma aparılır.