Bakıda avtomobil ağaca çırpıldı: 1 nəfər öldü

Bakıda ölümlə nəticələnən yol-nəqliyyat hadisəsi baş verib. Hadisə Suraxanı rayonunda qeydə alınıb. 2000-ci il təvəllüdlü Tehran Seyidovun idarə etdiyi “Renault Megane” markalı avtomobil idarəetmədən çıxaraq yolun sağ hissəsindəki ağaca çırpılıb. Nəticədə, avtomobilin ön oturacağında əyləşən 1981-ci il təvəllüdlü Qasımov Eşqin Məhərrəm oğlu hadisə yerində dünyasını dəyişib.

Minval.info xəbər verir ki, faktla bağlı Suraxanı Rayon Polis İdarəsində cinayət işi başlanıb və istintaq aparılır.